كتب الوصفات

الكتاب رائع ويقدر ينافس بنفس مستوى الكتب الأجنبية. اللي عايز يعيش حياة صحية ومن غير مشاكل صحية يجيبه. ما شاء الله عليكِ يا هند، ربنا ينفع بيكِ دايمًا، وبالتوفيق دايمًا يا رب.

هنوده، اللهم بارك، جزاكِ الله خيرًا على الكتاب. الوصفات جميلة، وبجد فكرة الوقت دي سهلة عليّا أوي، والأفكار جديدة ولذيذة، اللهم بارك. كتاب كنز، بجد منتظرة الأجزاء اللي جاية، وكتّري لنا من الأطباق الرئيسية والحلويات بإذن الله. وما شاء الله الولاد شافوا فيديو اختبار العسل واختبروه بنفسهم، والحمد لله كان عندي نوعين وطلعوا كويسين. وبصراحة أول مرة أختبر العسل، كنت بجيبه لما حد يقول النوع ده كويس وخلاص، وكنت فاكرة اختباره أصعب من كده. تسلم إيدك بجد.

كتاب الأكل الصحي بجد ولا أروع! متفصّل على كل اللي كنت بدوّر عليه في بساطته واستخدام مكونات موجودة في بيوتنا، والأهم من كل ده إنها متاخدش وقت، بما إني مبحبش أقف في المطبخ كتير. وجودة صور الكتاب وطباعته تنافس أشهر الكتب الموجودة في السوق ❤️

كتاب هند ثابت للأكل الصحي كله وصفات صحية جميلة وبسيطة جدًا في عملها وطريقة تحضيرها في وقت قليل. عرفت الكتاب وهند عن طريق الكوتش والمدربة الرائعة نهى إيهاب. شكرًا كتير جدًا على الكتاب الجميل والمنظم، وتصميمه حلو ومبدع، والوصفات الجميلة والخفيفة. وأنصح بيه أي حد عايز يلاقي بدائل للأكل بوصفات صحية وغير مكلفة. كل التوفيق والنجاح.

جربت العيش بدقيق اللوز من هند وطلع حاجة عظمة، وشفت الوصفات الموجودة في الكتاب، وبما إني well-being coach أقدر أقول وبمنتهى الثقة إن الكتاب ده كنز.