الكارب الصحي والمضر

ناس كتير فاكرة ان النشويات يعني رز ومكرونة، وناس كتير مش عارفة يعني ايه نشويات او كارب.

وناس اكتر بقي مش عارفين ايه المضر منها وايه المفيد وموجود فين اصلا. القايمة دي فيها انواع النشويات الضارة والمفيدة والسبب انها مضرة وانها مفيدة كمان.

يعني مثلا من امثلة الغذاء اللي بيحتوي علي نشويات مفيدة الخضار والفاكهة. فيه كمان الرز البني والبطاطس والكينوا والبندق والسوداني وباقي القايمة.

كل ده نشويات مفيدة وهي اللي المفروض تتواجد في اكلنا اصلا وبنسب معقولة وبسيطة، وده لانها فيها الياف فبتتهضم علي مهلها وبتخلي احساس الشبع موجود وكمان جسمك مليان طاقة طول الوقت.

نيجي بقي للمضرة: زي المكرونة والمخبوزات ومنتجات الدقيق الابيض والايس كريم المصنع والشيبسي والبطاطس المحمرة والشيكولاتة والحلويات وباقي القايمة.

طاب هي مضرة ليه؟ لانها مصنعة وبتتهضم بسرعة جدا لان مافيهاش الياف، فبتجوع بسرعة وتفضل في دايرة مغلقة من عدم الشبع، وبيستخدم معاها سكر سواء في تصنيعها او طهيها.

اقروا القايمة دي وخليكوا دايما فاكرينها لما تيجوا تختاروا اكل متوازن، ومتنسوش شير عشان تفيدوا غيركوا.